Танылган футболчылар Чистай балалары өчен мастер-класс үткәрделәр
"Футбол дәресләрен" Динияр Билалетдинов, Руслан Пименов, Дмитрий Сычев һәм Дмитрий Хлестов бирде.
Татарстанда «безнең егетләр»проекты старт алды. Ул футбол буенча Россия җыелма командасына ярдәм итәргә һәм мөмкин кадәр күбрәк балаларны спорт белән шөгыльләнүгә җәлеп итәргә тиеш.
Проект кысаларында милли җыелма команданың экс-футболчылары республиканың берничә шәһәрендә булдылар, анда яшь спортчыларга мастер-класслар үткәрделәр.
Бүген танылган футболчыларның осталыгына Чистай балалары да өйрәнә алды. "Футбол дәресләре «»Татнефть-Олимп" стадионында узды.
Башта яшь спортчылар өчен күнекмә үткәрелде. Аннары танылган футболчылар аларга үгет-нәсихәтләрен бирделәр, төрле алымнар күрсәттеләр, үз техникаларының серләре белән уртаклаштылар. Яшь чистайлыларга шулай ук танылган спортчылар белән футбол уйнарга, фотога төшәргә һәм алардан автографлар алырга мөмкинлек бирелде.
Автойөгереш кысаларында Чистайдан тыш футболчылар Түбән Кама, Бөгелмә, Әлмәт шәһәрләрендә булдылар. Тур Казанда төгәлләнәчәк, анда республика башкаласының белем бирү мәктәпләре балалары өчен «футбол дәресе» узачак.